ساعات باتجن
و ساعات قلبى بيحن
وساعات باهدا
و يقولوا عليا ملاك
و ساعات ببقى زعابيب و رياح و هلاك
و ساعات برقص
و افتح عالفرح متين شباك
وساعات بتدارى و اخاف و اقفل كل الابواب
و ساعات بجري
اجري و اتنطط
و احس جوايا بشعلة نا
رنار بتدفينى و تحيينى و تخلينى
قادرة اخد أي قرا
رو ساعات بنام
بنام و اقوم و اسهر
وابكى من الفرحه لمجرد حلم جميل من الاحلام
و ساعات بسكت
بسكت واكتم افكاري
عشرين,خمسين,مليون كلمه و سؤال
هيموتوا و يتقالو
او ساعات بتكلم
حواديت و هزار روحنا و جينا واهو كله كلام ولا ليه لزمه
و ارجع اقول طب ليه يتقال؟!
و ساعات بكتب
اكتب و اشطب و اعيد و ازيد
قلبى يقول اللى فى قلبه لكل الناس
و ساعات بخاف
و خوفى من نفسى مش من حد تانى
و تعمل ايه لو خفت من نفسك؟
خد بالك من نفسك و اوعى نفسك تنساك
و ساعات بحلم
ساعات و شهور و سنين
و طول عمرى
بحلم ببيت و ورده و حب و ام جميله و جنه و بستان
و ساعات ....
لا مش ساعات
كل الاوقات
بدعى
بدعى من قلبى لربى يهدينى و يكون جنبى
فى كل الساعات
